09 апр 09:18
Янгиликлар

Теннис

Даниэль Коллинз мавсумдаги ғалабалар бўйича етакчига айланди

Кетма-кет иккита WTA турнирида чемпион бўлган америкалик теннис маликаси ғалабалар сони бўйича биринчи ўринга кўтарилиб олди.

Даниэль якшанба куни Чарльстондаги WTA 500 тоифасига кирувчи турнир финалида россиялик Дарья Касаткинани мағлуб этганди. Бу унинг мавсумдаги 24-ғалабаси бўлди. Коллинз ундан аввал Майамидаги WTA 1000 тоифасидаги турнирда ҳам бош соврин соҳибасига айланганди.

Даниэль ғалабалар сони бўйича дунёнинг биринчи ракеткаси, польшалик Ига Свёнтек ҳамда қозоғистонлик Елена Рибакинани ортда қолдиришга муваффақ бўлди. Уларнинг ҳар иккисида 22 тадан ғалаба бор. Чарльстондаги муваффақиятли иштирок сабаб у WTA рейтингида 24-поғонадан 15-ўринга кўтарилиб олди.