28 мар 09:54
Янгиликлар

Теннис

Даниил Медведев чемпионлик ҳимоясини давом эттирмоқда

АҚШнинг Майами шаҳрида ўтказилаётган теннис бўйича "Мастерс" сериясига кирувчи турнирда 1/2 финалчилар маълум бўлди.

Дунёнинг тўртинчи ракеткаси, мусобақанинг амалдаги чемпиони Даниил Медведев 1/4 финалда ATP рейтингида 23-поғонани эгаллаб турган чилилик Николас Харрини мағлубиятга учратди — 6:2, 7:6 (9:7).

101 дақиқа давом этган баҳсда Медведев 6, Харри 8 та эйс зарбасини амалга оширди. Қўшхатолар Даниилда кўпроқ бўлди - 3 га 1. Россиялик теннисчи энди финал чиптаси учун дунёнинг учинчи ракеткаси, италиялик Янник Синнерга қарши кортга чиқади.