UFC Fight Night 266. Қозоғистонлик жангчида бонус

UFC’нинг энг енгил дивизиони вакили польшалик Якуб Виклач Муин Гафуров устидан сўнгги сонияда ғалаба қозонди. У рақибининг тейкдаун амалга оширишга бўлган умидсиз уринишидан фойдаланди ва жанг тугашига бир сония қолганида гилотина усулида бўғиб қўйди. Якуб "Оқшом намойиши" учун қўшимча 100 000 долларлик чекни қўлга киритди.

"Оқшом намойиши" учун иккинчи бонус турнирнинг асосий жангида ғалаба қозонган америкалик Марио Баутистага насиб этди. У иккинчи раунд охирида бразилиялик Винисиус Оливейрани ортдан бўғиб қўйди. 

Турнирнинг "Энг яхши жанги" сифатида Михал Олексийчук ва Марк-Андре Баррио ўртасидаги баҳс тан олинди. Уч раунд тўлиқ давом этган қарама-қаршилик польшалик ўрта вазн тоифаси вакилининг ғалабаси билан якунланди. 

Шунингдек, ўз жангини муддатидан аввал якунлаган америкалик ярим оғир вазн тоифаси вакили Дастин Жекоби ҳамда қозоғистонлик ярим ўрта вазн жангчиси Николай Веретенниковга 25 минг доллардан бонус берилди.