Davis Cup. Истомин ютқазди, ҳисоб тенглашди

Мусобақанинг учинчи кунги баҳсларини Денис Истомин ҳамда Зе Жанг бошлаб беришди. Беш сет давом этган учрашувда кутилмаганда мамлакатимизнинг биринчи ракеткаси дунё рейтингида 172-ўринда бораётган рақибига 6:3, 5:7, 6:2, 1:6, 4:6 ҳисобида имкониятни бой бериб қўйди.

Бу билан Ўзбекистон ва Хитой терма жамоалари ўртасидаги ҳисоб тенглашди - 2:2. Бироздан сўнг ҳал қилувчи бешинчи учрашув бўлиб ўтади. Унда мамлакатимизнинг иккинчи ракеткаси Фаррух Дўстов Ди Вуга қарши кортга чиқади.