17 фев 07:33
Янгиликлар

Теннис

Delray Beach ATP 250. Истомин дунёнинг 41-ракеткасига қарши кортга чиқди

АҚШнинг Делрей-Бич шаҳрида теннис бўйича ATP турнири давом этмоқда.

Аввал хабар берганимиздек, ушбу нуфузли мусобақада мамлакатимизнинг биринчи ракеткаси Денис Истомин ҳам иштирок этаётганди. Ҳамюртимиз турнирдаги иштирокини саралаш баҳсларидан бошлаган ва кетма-кет рейтингда ўзидан юқорида турган рақибларини мағлуб этган эди.

У асосий тўрнинг илк даврасида дунёнинг 117-ракеткаси, америкалик Сэм Куэрридан ҳам 6/1, 7/6(5) ҳисобида устун келганди. Лекин иккинчи босқичда сенсация рўй бермади. Юртдошимиз яна бир АҚШ теннисчиси, дунёнинг 41-ракеткаси Томми Полга имкониятни бой бериб қўйди - 2/6, 0/6. Теннисчиларнинг ўзаро учрашувларида Пол ҳисобда олдинга чиқиб олди - 2:1.