Деонтей Уайлдер Фрэнсис Нганнунинг "вызов"ига "ответ" қилди

Бир муддат аввал камерунлик аралаш яккакураш устаси америкалик боксчини рингга чорлаган эди.   

"Ҳурматни сақлайман, лекин шуни билгинки, мен оёқда маҳкам турибман. Қўрқувсиз, заифликсиз, сохталиксиз. Ҳамиша тайёр, ҳамиша бардам. Рингга чиқ ва бу гапларимни нимани англатишини кўрасан, Фрэнсис!" - деб ёзди америкалик боксчи ижтимоий тармоқда.

Маълумот учун, 2023 йилда UFC`ни тарк этган Фрэнсис Нганну бокс бўйича иккита жанг ўтказди. Тайсон Фьюрига қарши кечган жангда ҳакамларнинг қарори билан мағлуб бўлди, Энтони Жошуага эса чуқур нокаут билан ютқазди. Шундан сўнг, камерунлик "Йиртқич" яна аралаш яккакурашга қайтди ва PFL лигасида бразилиялик Хенан Феррейрани биринчи раунддаёқ нокаутга учратишга муваффақ бўлди. Деонтей Уайлдер эса сўнгги жангини шу йилнинг июнь ойида ўтказди. У еттинчи раундда Тайрелл Энтони Хендонни техник нокаутга учратди.