19 фев 13:03
Янгиликлар

Теннис

Дубай (WTA 1000). Мухова Эмма Радукану қаршилигини синдирди

БААнинг Дубай шаҳрида теннис бўйича WTA 1000 тоифасига кирувчи нуфузли турнир бўлиб ўтмоқда.

Дунёнинг 17-ракеткаси бўлиб турган Каролина Мухова иккинчи даврада рейтингнинг 61-поғонасида бораётган британиялик Эмма Радукануни қийинчилик билан мағлубиятга учратди - 7/6(6), 6/4. Бу теннис маликаларининг ўзаро ўтказган илк учрашуви бўлди.

Икки соату олти дақиқа давом этган баҳсда Мухова 4, Радукану 6 та эйс зарбасини амалга оширган. Брейклар бўйича устунлик чехиялик теннисчи томонида бўлди - 3 га 2. Энди Каролина америкалик Маккартни Кесслерга қарши кортга чиқади.