Дунёнинг биринчи ракеткаси Пекинда иродали ғалабага эришди

Дунёнинг биринчи ракеткаси Янник Синнер мусобақа стартида иродали ғалабага эришди. Мусобақанинг амалдаги чемпиони ҳисобланган италиялик теннисчи илк даврада рейтингнинг 28-поғонасида бораётган чилилик Николас Харрига қарши кортга чиқиб, уч сет натижасига кўра ғалаба қозонди - 4/6, 6/3, 6/1.

Бир соату 56 дақиқа давом этган баҳсда Синнер 1, Харри 12 та эйс зарбани амалга оширган. Иккала теннисчи ҳам биттадан қўшхатога йўл қўйган. Брейклар бўйича устунлик Янник томонида - 4 га 1. Синнер теннисчиларнинг ўзаро учрашувларида мувозанатни тиклаб қўйди - 1:1.