Янник Синнер Мадрид "Мастерс" чемпиони!

Италиялик теннисчи ҳал қилувчи финал учрашувида ATP рейтингида учинчи ўринни эгаллаб турган германиялик Александр Зверевни жуда осонлик билан мағлубиятга учратди - 6/1, 6/2. Синнер теннисчиларнинг ўзаро учрашувларидаги устунлигини янада йириклаштирди - 10:4.  

Бор йўғи 58 дақиқа давом этган баҳсда Синнер 8, Зверев 2 та эйс зарбасини амалга оширган. Иккала ракетка устаси ҳам биттадан қўшхатога йўл қўйди. Брейклар бўйича мутлақ устунлик ғолиб томонида бўлди - 4 га 0. 

Эътиборлиси, Синнер кетма-кет бешинчи "Мастерс" турнирида чемпионликка эришди. Янник Мадриддаги чемпионлигидан 535 585 евро мукофот пули ҳамда 650 рейтинг очкоси ишлаб олди. Зверев эса 400 очко ҳамда 297 550 еврога эга чиқди.