Дунёнинг биринчи рақамли теннис маликаси совринни бегона қилмади

Adelaide International турнирининг ҳал қилувчи финал учрашувида австралиялик Эшли Барти ҳамда украиналик Даяна Ястремская ўзаро тўқнаш келишди. Дунёнинг биринчи рақамли теннис маликаси 85 дақиқа давом этган баҳсда рейтингнинг 24-поғонасидан жой олиб турган рақибасидан қийинчиликсиз устун келди - 6/2, 7/5.

Ҳар икки теннисчи ҳам 4тадан эйс зарбани амалга оширишган. Ўзаро учрашувлардаги ҳисоб Эшли фойдасига йириклашди - 2:0. Бу Бартининг мавсумдаги илк, фаолиятидаги саккизинчи совринига эга чиқди. Яшил қитъа вакиласи бир ҳафталик меҳнати учун 146,500 АҚШ доллари ҳамда 470 рейтинг очкоси билан тақдирланди. Ястремская эса 78,160 доллар ва 305 очкога эга бўлди.