Дунёнинг энг ёш иккинчи гроссмейстерида мағлубият, Ёқуббоев якка пешқадам!

Айлана тарзда ўтказилаётган эркаклар ўртасидаги мусобақада 5 нафар халқаро гроссмейстер - Нодирбек Абдусатторов (2550, чемпионатнинг биринчи рақамли иштирокчиси), Сайдали Йўлдошев (2469), Марат Жумаев (2451), Алексей Барсов (2411) ва Тохир Воҳидов (2400) дона суряпти. 

Тўққизинчи турда дунё тарихидаги энг ёш иккинчи халқаро гроссмейстер мақомига эришган Нодирбек Абдусатторов қора доналарда ҳаракат қилиб, тажрибали халқаро гроссмейстер Сайдали Йўлдошевга имкониятни бой берди. Бу мағлубият сабаб Нодирбек биринчи ўриндан бешинчи поғонага тушиб кетди.

Бундан Нодирбек Ёқуббоев фойдаланиб қолди. Ёш шахматчимиз қора доналарда ўйнашига қарамай, Улуғбек Тиллаевни енгди ва 6,5 очко билан якка пешқадам айланиб олди. Истеъдодли ёш шахматчимиз Жавоҳир Синдаров Шамсиддин Воҳидовдан устун келди ва турнир жадвалида 6 очко билан иккинчи ўринга кўтарилиб олди.