15 окт 09:59
Янгиликлар

Бокс/ММА

DWCS: Азамат Нуфтиллаевни мағлуб этган сербиялик жангчи ҳам UFC шартномасидан қуруқ қолди

Бугун тонгда Лас-Вегасдаги (АҚШ) UFC Apex мажмуасида ММА бўйича Дана Уайт даъвогарлар серияси турнири бўлиб ўтди.

Хабар берганимиздек, мусобақада ўзбекистонлик оғир вазнли аралаш якка кураш устаси Азамат Нуфтиллаев Сербия вакили Йован Лека билан баҳс олиб бориб, очколар ҳисобига кўра имкониятни бой бериб қўйди.

Қизиғи, жангда ғалаба қозонган Лека ҳам UFC'дан шартнома ололмади. Хорижий ОАВларнинг ёзишича, ташкилот президенти Дана Уайт мазкур жанг якунига 30 сония қолганида ўз ўрнини тарк этиб, баҳсни томоша қилишни тўхтатган.

Маълумот учун, Азамат Нуфтиллаев бугун фаолиятидаги иккинчи мағлубиятини қабул қилиб олди. Ғабалари 17 талигича қолди, ҳисобида 1 та дуранг ҳам бор. Йован Лека бугун 11-ғалабасига эришди.