Дзюдо. Ўткирбек Тўрабоев Бокудаги "Катта Дубулға"ни бешинчи ўринда якунлади

Бугун кун давомида 7 нафар спортчимиз мусобақада иштирок этди. 

Учинчи кун якунига кўра ҳамюртларимиз ичида энг яхши натижани +100 кг вазнли Ўткирбек Тўрабоев қайд этди. У мусобақани 5-ўринда якунлади. 

Эслатиб ўтамиз, бунгача терма жамоамиз аъзоларидан Диёра Келдиёрова олтин, Ҳалимажон Қурбонова ва Достон Рўзиев бронза медалини қўлга киритганди. Шу тариқа, Ўзбекистон терма жамоаси мазкур турнирни 1 та олтин ва 2 та бронза медали билан якунлади. 

Ўзбекистонлик дзюдочилар қайд этаётган натижалар билан ушбу саҳифа орқали онлайн тарзда танишиб боришингиз мумкин бўлди:

+100 кг вазнли Ўткирбек Тўрабоев бронза учун баҳсда нидерландиялик рақибига имкониятни бой берди. 

+100 кг вазнли Ўткирбек Тўрабоев ярим финалда россиялик Валерий Ендовицкийга қарши курашди ва афсуски имкониятни бой берди. Энди у бронза медали учун нидерландиялик Юр Спийкерсга қарши баҳс олиб боради. 

+100 кг вазн тоифасида Ўткирбек Тўрабоев словениялик рақибини мағлубиятга учратди ва ярим финалга йўл олди!

-100 кг вазн тоифасида Рустам Шораҳматов польшалик рақибга ютқазди. 

+100 кг вазнли Ўткирбек Тўрабоев иккинчи жангида венгриялик рақибдан устун келди!

+78 кг вазнли Рината Илматова қозоғистонлик рақибасига мағлуб бўлди. 

-100 кг вазнли Эрназар Сарсенбаев канадалик рақибга имкониятни бой берди. 

-100 кг вазн тоифасида Рустам Шораҳматов молдовалик рақибини мағлубиятга учратди ва кейинги босқичга йўл олди. 

-90 кг вазнли Шаҳзодхўжа Шарипов нидерландиялик жаҳон чемпионига мағлуб бўлди. 

-78 кг вазн тоифасидаги Ирисхон Қурбонбоева иккинчи жангида словениялик рақибасига имкониятни бой бериб қўйди. 

+78 кг вазнли Рината Илматова қирғизистонлик рақибасидан устун келди. 

+78 кг вазнли Фотима Қурамбоева афсуски қозоғистонлик рақибасига имкониятни бой берди. 

+100 кг вазн тоифасида Ўткирбек Тўрабоев монаколик рақибидан муддатидан олдин мағлуб этди.

-78 кг вазнли Ирисхон Қурбонбоева илк босқичда латвиялик рақибасини мағлуб этди ва иккинчи даврага йўл олди. 

Бугун мусобақада курашадиган спортчиларимиз ва уларнинг илк рақиблари: 

-90 кг: Шаҳзодхўжа Шарипов - Ван Ноел (Нидерландия)

-100 кг: Эрназар Сарсенбаев - Кайл Рейес (Канада)

-100 кг: Рустам Шораҳматов - Лури Мокану (Руминия)

+100 кг: Ўткирбек Тўрабоев - Марвин Гадеу (Монако)

-78 кг: Ирисхон Қурбонбоева - Уна Долгилевица (Латвия)

+78 кг: Рината Илматова - Акмаржан Турдажиева (Қирғизистон)

+78 кг: Фотима Қурамбоева - Карина Такиева (Қозоғистон)