Дзюдо. Сардорда иккинчи ғалаба, Шаҳрам ва Диёрада ҳам яхши старт

Ҳозиргина Сардор Нуриллаев турнирдаги иккинчи ғалабасига эришди. -66 кг вазн тоифасидаги дзюдочимиз иккинчи босқич беллашувида доминиканлик Вандер Матеодан устун келди. Энди у чорак финал йўлланмаси учун исроиллик машҳур полвон Баруч Шмайловга қарши татамига чиқади. 

Ушбу вазн тоифасидаги иккинчи дзюдочимиз Шаҳрам Аҳадов ҳам ғалабага эришди. Баҳсларга тўғридан-тўғри иккинчи даврадан қўшилган Аҳадов болгариялик Божидар Темелковдан устун эканини исботлади. Шаҳрамнинг учинчи босқичдаги рақиби исроиллик Тал Фликкер бўлади.

-52 кг вазндаги дзюдочимиз Диёра Келдиёрова учун ҳам Тель-Авив Гран-приси муваффақиятли бошланди. У биринчи давра австралиялик Тинка Истонни мағлубиятга учратди. Ўсмирлар ўртасида жаҳон чемпиони бўлган Диёра энди бельгиялик Амбер Рихэулга қарши татамига чиқади. 

Ўзбекистон дзюдо федерацияси матбуот хизмати