Дзюдо ЮНЕСКО томонидан эътироф этилди

Бу ёшдаги болалар дзюдода олган амалий машғулотлари эвазига ўзларида куч, тезлик, координация, мослашувчанлик, концентрация, мувозанатни сақлаш, курашувчанлик, шахс сифатида шаклланиш, ўзига бўлган ишонувчанлик каби хислатларини шакллантирадилар. 

Дздода олган билимлари ва тактик фикрлашига суянган ҳолда доимий ўзгариб турадиган вазиятлардан чиқиб кетишга қийналмайди. Дзюдо билан шуғулланган болада тажовузкор хусусият бўлмайди. Ўзи умуман дзюдочиларда салбий характердаги хислатлар учрамайди. Дзюдо япон миллий спорт тури бўлгани учун бошидан то охиригача ўзгаларга ҳурмат, тавозеъ, ҳамма билан чиқишиб кетиш, маданиятли бўлиш, қатъий интизом каби ижобий хислатларни қамраб олган. 

Дзюдо дунёнинг аксарият мамлакатларида мактаб дастурига киритилган. Дзюдо - олимпия спорт тури. Айнан шуларни инобатга олган ҳолда ЮНЕСКО дзюдони эътироф этади ва 4 ёшдан катталарни шуғулланишга чорлайди.