10 май 13:02
Янгиликлар

Дзюдо

Дзюдочиларимиз афсонавий "Тигр" танкларига қарши жанг қилган Миджоҳид отани зиёрат қилишди

Ўзбекистон дзюдо федерацияси Сурхондарё вилояти бўлими томонидан Иккинчи жаҳон уруши қатнашчилари зиёрат қилинди.

Жумладан, дзюдочиларимиз байрам куни Термиз шаҳрида яшовчи, 1926 йилда туғилган Ходиев Миджоҳид отанинг холидан хабар олишди. Суҳбат давомида Миджоҳид ота қонли уруш йиллари ҳақида гапириб бердилар. Ота Венгрияда немис фашистларининг афсонавий "Тигр" танкларига қарши кечган жангда чап оёқларидан айрилганлари, госпиталда ётганларида уларга 3-даражали "Шуҳрат" ордени беришганини таъкидладилар.

"Йигирма миллиондан зиёд шаҳид кетганларнинг руҳи жонсарак. Уруш даҳшатлари биз билан кетсин. Янги авлод муроду мақсадига етсин", - дея суҳбатга якун ясадилар Иккинчи жаҳон уруши қатнашчиси, 94 ёшли Миджоҳид ота Ходиев.