09 июл 13:45
Янгиликлар

Теннис

Елена Остапенко Уимблдон 1/4 финалида

Дунёнинг 14-ракеткаси Елена Остапенко "Катта Дубулға" туркумига кирувчи Уимблдон турнирининг чорак финал иштирокчисига айланди.

Латвиялик теннис маликаси 1/8 финалда WTA рейтингида 35-поғонада бораётган қозоғистонлик Юлия Путинцевани ортиқча қийинчиликсиз мағлубиятга учратди - 6/2, 6/3. Бу теннисчиларнинг ўзаро ўтказган илк учрашуви сифатида тарихга муҳрланди.

Айнин Путинцева дунёнинг биринчи ракеткаси, польшалик Ига Свёнтекни мусобақадан чиқариб юбориб, катта шов-шув сабабчисига айланганди. Олтмиш саккиз дақиқа давом этган баҳсда Остапенко 3 та эйс, 5 та брейк қайд этиб, 4 та қўшхатога йўл қўйди.