26 июн 19:18
Янгиликлар

Теннис

Елена Остапенко ютқазиб қўйди

Дунёнинг 13-ракеткаси бўлиб турган Елена Остапенко Истбурн турниридаги иштирокини якунлади.

Латвиялик теннис маликаси иккинчи давра учрашувида WTA рейтингида 32-поғонада бораётган британиялик Кэти Бултерга имкониятни бой бериб қўйди - 4/6, 5/7. Бу теннисчиларнинг ўзаро ўтказган илк учрашуви бўлди.

Икки соату 5 дақиқа давом этган баҳсда Остапенко 10, Бултер 11 та эйс зарбасини амалга оширган. Қўшхатолар Еленада кўпроқ бўлди - 9 га 6. Брейклар бўйича устунлик - 5 га 3 кўринишида мезбон теннисчи фойдасига.