Елена Рибакина "Ролан Гаррос" учинчи босқичига чиқди

Қозоғистонлик теннисчи 87 дақиқа давом этган баҳсда WTA рейтингида роппа-роса 50-ўринни эгаллаб турган чехиялик Линда Носковадан икки сетда ҳам бир хил ҳисобда устун келди - 6/3, 6/3.

Бу теннисчиларнинг ўзаро ўтказган илк учрашуви эди. Рибакина 4 та, Носкова 2 та эйс зарбани амалга оширди. Елена бу йилги мавсумдаги 30-ғалабасини тантана қилди. Энг кўп ғалаба беларуслик Арина Соболенкога тегишли - 31 та.

Энди Елена Рибакиной Франция Очиқ чемпионатининг учинчи даврасида Сара Соррибес-Тормога қарши кортга чиқади. Испаниялик теннисчи иккинчи босқичда хорватиялик Петра Мартични мусобақадан чиқариб юборди - 6/4, 6/1.