Элина Свитолина Рим турнири учинчи даврасига йўл олди

Дунёнинг 19-ракеткаси бўлиб турган Элина Свитолина мусобақанинг учинчи давра иштирокчисига айланди. Украиналик теннис маликаси иккинчи даврада WTA рейтингида 93-поғонадан жой олган италиялик Сара Эрранини ортиқча қийинчиликсиз мағлубиятга учратди - 6/0, 6/2.

Свитолина теннисчиларнинг ўзаро учинчи учрашувига келиб илк ғалабасини тантана қилди - 1:2. Етмиш етти дақиқалик баҳсда Свитолина 4 та эйс, 6 та брейк қайд этиб, 4 та қўшхатога йўл қўйди. Энди у россиялик Анна Калинскаяга қарши кортга чиқади.