09 июл 10:57
Янгиликлар

Теннис

Элина Свитолинанинг "Уимблдон"даги юриши давом этмоқда

Дунёнинг 21-ракеткаси Элина Свитолина "Катта Дубулға" туркумига кирувчи Уимблдон турнирининг 1/4 финал иштирокчисига айланди.

Украиналик теннис маликаси 1/8 финалда WTA рейтингида 42-поғонасида бораётган хитойлик Ван Синьюни ортиқча қийинчиликсиз мағлубиятга учратди - 6/2, 6/1. Бу теннисчиларнинг ўзаро ўтказган илк учрашуви эди.

Элина 56 дақиқа давом этган баҳсда 8, Ван Синью 3 та эйс зарбани амалга оширган. Қўшхатолар Чин юрти вакиласида кўпроқ бўлди - 4 га 1. Брейклар бўйича мутлақ устунлик Свитолина томонида - 4 га 0. Украиналик қаторасига иккинчи йил мусобақанинг 1/4 финалида ўйнайди.