Энди Қашқадарёда ҳам академик эшкак эшиш ривожланади

Сув спорти турларини Қашқадарё вилоятида ҳам кенг тарғиб қилиш, айниқса, спортнинг академик эшкак эшиш турини воҳа ёшлари орасида янада оммалаштириш ва ривожлантириш мақсадида Сув спорти турлари бўйича Республика Олий спорти маҳорати мактаби, Ўзбекистон “Rowing & Canoe” федерацияси ҳамда Қашқадарё вилояти жисмоний тарбия ва спорт бошқармаси томонидан имзоланган қўшма меморандумга мувофиқ, вилоятдаги Сув спорти турларига ихтисослаштирилган болалар-ўсмирлар спорт мактабида академик эшкак эшиш бўлими ташкил этилди.

Ўзбекистон Республикаси жисмоний тарбия ва спорт вазирининг тегишли буйруғига мувофиқ, жорий йил 21-31 октябрь кунлари спортнинг академик эшкак эшиш тури бўйича ўтказилган Ўзбекистон чемпионати баҳсларида республикамизнинг 8 та вилоятидан жами 726 нафардан ортиқ спортчи иштирок этди. Мусобақада қашқадарёлик спортчилар ҳам фаол қатнашиб, умумжамоа ҳисобида илк бор 4-ўринни қўлга киритди.

Ўзбекистон чемпионати ғолиб ва совриндорлари Қашқадарё вилоятида Сув спорти турлари бўйича Республика олий спорти маҳорати мактаби директори К.Холматов ҳамда Жисмоний тарбия ва спорт бошқармаси мутасаддилари томонидан муносиб тақдирланди.