18 фев 11:33
Янгиликлар

Олимпия ўйинлари, Қишки спорт турлари, Хоккей

Эркаклар ўртасидаги хоккей мусобақасида илк финалчи маълум + ФОТО

Пекин-2022 Қишки олимпия ўйинларининг эркаклар ўртасидаги хоккей мусобақасида 1/2 финалнинг дастлабки учрашуви бўлиб ўтди.

"Миллий" стадионда ўтган баҳсда Финляндия терма жамоаси чорак финалда кичик шов-шув сабабчисига айланган Словакияни 2:0 (1:0, 0:0, 1:0) ҳисобида мағлубиятга учратди. Ўйиннинг 16-дақиқасида Сакари Маннинен, сўнгги дақиқада эса Харри Песонен бўш қолган дарвозани ишғол қилди.

Финляндиянинг финалдаги рақиби Россия - Швеция учрашувида аниқланади. Ушбу иккинчи 1/2 финал бугун Тошкент вақти билан соат 18:10да бошланади. Словакия эса эртага бронза медали учун кечадиган учрашувда музга чиқади.