Қишки Олимпиаданинг хоккей турнирида финалчилар аниқланди. Амалдаги чемпион тўхтатилди

"Арена Санта-Жулия"да ўтган 1/2 финал учрашувида Канада терма жамоаси амалдаги Олимпиада чемпиони ҳисобланган Финляндияни баҳс якунига 36 сония қолганда киритилган гол эвазига мағлубиятга учратди - 3:2. Канадаликлар 0:2 ҳисобида мағлуб бўла туриб, даҳшатли камбэк амалга оширишди. 

Голлар: 0:1 Рантанен (Ахо) – 16:55 (pp) 0:2 Хаула (Армиа) – 23:26 (sh) 1:2 Райнхарт (Макар, Макдэвид) – 34:20 (pp) 2:2 Теодор (Санхайм, Уилсон) – 50:34 3:2 Маккиннон (Макдэвид, Селебрини) – 59:24 (pp)    

Иккинчи 1/2 финал жуфтлигида АҚШ терма жамоаси Словакияни йирик 6:2 ҳисобида доғда қолдирди. Ғолиб жамоа таркибида Жек Хьюз дублга эришган бўлса, қолган шайбаларга Дилан Ларкин, Тейж Томпсон, Жек Айкел ва Брэди Ткачук  муаллифлик қилди. Словакияликлар сафида Юрай Слафковски ва Павол Регенда ўзини кўрсатди.

Шу тариқа, АҚШ ва Канада терма жамоалари финал учрашувида Олимпиада чемпионини аниқлаб берса, ярим финал аламзадалари - Финляндия ва Словакия бронза медали тақдирини ҳал қилади.