Эртага рапид ва блиц бўйича Жаҳон чемпионати старт олади. Ўзбекистон эркаклар ва аёллар терма жамоалари таркиблари билан танишинг

Бугун эса Жаҳон чемпионатининг тантанали очилиш маросими ҳамда матбуот анжумани ўтказилади. Эртага Тошкент вақти билан соат 15:00да рапид йўналиши бўйича илк ўйинлар бошланади. Мусобақа 30 декабрга қадар давом этади. 

Жаҳон чемпионатининг умумий соврин жамғармаси $ 1 млн долларни ташкил этади. Мусобақада Ўзбекистон эркаклар ва аёллар терма жамоалари юртимиз шарафини ҳимоя қилади.

Эркаклар терма жамоасидан куни кеча Озарбайжоннинг Боку шаҳрида Вугар Гашимов хотирасига бағишланган ҳалқаро мусобақа ғолибликни қўлга киритган Нодирбек Абдусатторов, шунингдек, Бутунжаҳон шахмат олимпиадаси ғолиблари Жавоҳир Синдаров, Нодирбек Якуббоев, Жаҳонгир ва Шамсиддан Воҳидов, ФИДЕ усталари Ҳумоюн Бекмуратов, Муҳаммадзоҳид Суяровлар жой олган.

Ўзбекистон аёллар терма жамоаси сафида эса Нафиса Мўминова, Умида Омонова, Афруза Ҳамдамова каби шахматчиларимиз дона суришади.