16 янв 10:52
Янгиликлар

Бокс/ММА

Етти вазнда жаҳон чемпиони Кайла Харрисонни алмаштиришга тайёр

24 январь куни Лас-Вегас шаҳрида бўлиб ўтадиган UFC 324 турнирининг co-main event жанги амалдаги UFC чемпиони Кайла Харрисоннинг жароҳати сабаб бекор қилинганди.

Бунинг натижасида узоқ муддатдан сўнг фаолиятини қайта тиклаётган собиқ икки вазн UFC чемпиони Аманда Нуньес рақибасиз қолган эди. Бокс бўйича етти вазн тоифасида жаҳон чемпиони Аманда Серрано Кайла Харрисонни алмаштиришга тайёрлигини маълум қилди.

"Мен чақирувни мамнуният билан қабул қилган бўлардим, чунки ҳали ҳам формадаман. Умид қиламанки, чемпион тезда тикланиб, сафга қайтади", - деб ёзди ярим енгил вазн тоифасида WBO ва WBA чемпионлик камарларига эгалик қилаётган Серрано ижтимоий тармоқдаги саҳифасида.

Маълумот учун, Пуэрто-риколик 37 ёшли Серрано профессионал ММАда учта жанг ўтказган. 2018 йилда у бошқа дебютант Корина Эррера билан дуранг қайд этган ва кейин икки жангида рақибаларини биринчи раунддаёқ бў0иб қўйган эди.

Шубҳасиз, UFC ўз турнирига четдан жангчини таклиф қилмайди, чунки Серранонинг промоутери Дана Уайтга қарши танқидий чиқишлари билан танилган Жейк Пол ҳисобланади.