Фаолиятини якунлаган қозоғистонлик Жалгас Жумагулов яна UFC'да! Унинг рақиби ва жанг санаси ҳам маълум

Ўта енгил вазн тоифасида UFC мусобақаларида жанг қилиб келган, аммо ўтган йилнинг ноябрь ойида фаолиятини якунлаганини эълон қилган қозоғистонлик Жалгас Жумагулов (14-8) яна UFC'да жанг қилади.

Инсайдер Марсель Дорфнинг маълум қилишича, Жумагулов 7 май куни UFC 288 турнири доирасида октагонга чиқади. Унга ўша куни америкалик Нейт Манесс (14-3) рақиблик қилади.

Жалгас Жумагулов UFC'да 6 та жанг ўтказиб, бир маротаба ғалаба қозонган, бешта жангда мағлубият аламини тотиб кўрган. Нейт Манесс эса сўнгги иккита жангида россияликлар — Умар Нурмагомедов ва Тагир Уланбековга мағлуб бўлган.

Маълумот учун, UFC 288 турнирининг марказий жанги Алжемейн Стерлинг ва Генри Сехудо ўртасида энг енгил вазн тоифаси чемпионлиги учун кечади. Бундан ташқари, ушбу оқшомда Чарльз Оливейра Бенил Дариушга қарши октагонга кўтарилади.

Nate Maness will fight Zhalgas Zhumagulov at #UFC288 on May 6th. #UFC #MMA #UFCESPN #UFC2023 pic.twitter.com/Inst1bfcYL

— Marcel Dorff ???????????????? (@BigMarcel24) March 7, 2023