Фарғона вилояти дзюдосига янги раҳбар сайланди

Унда Ўзбекистон дзюдо федерациясининг Фарғона вилояти бўлими фаолияти тахлил қилинди. Ўзбекистон дзюдо федерацияси раиси ўринбосари Шоатхам Исроилов бошчилигида ўтган йиғилишда вилоят дзюдо федерациясининг фаолияти, мамлакат миқёсида кўрсатаётган натижалари танқид остига олинди. Шунингдек, селекция ишларининг тўғри йўлга қўйилмагани ҳам алоҳида урғуланди. 

Фарғона водийсининг ҳар соҳада, айниқса спорт йўналишида истеъдодларга бой эканлигини инобатга олсак, вилоят дзюдочиларига ҳозирги натижа умуман ярашмайди. 

Йиғилиш якунида Ўзбекистон дзюдо федерациясининг Фарғона вилояти бўлимига янги раҳбар сайланди. Йиғилиш қатнашчилари бир овоздан Низом Иралиев номзодини маъқуллашди. Ўзбекистон дзюдо федерацияси раҳбарияти спортчилик фаолияти давомида дзюдо билан профессионал тарзда шуғулланган Низом Иралиевга катта ишонч билдирди. 

Ўйлаймизки, қисқа фурсатда вилоятда дзюдога бўлган қараш ўзгаради ва табиийки натижалар ҳам.