Фаст-фудлар ва газли ичимликларнинг зарарли оқибатлари ҳақида семинар ўтказилди

Унда фаст-фудлар, яъни тез тайёрланадиган таомлар ҳамда газли ичимликларнинг зараларли оқибатлари мавзусида сўз борди. Фаст-фудларни тез-тез истеъмол қилиш кишида депрессия ривожланишига сабаб бўлади. 

Бу таомлар таркибидаги ёғли кислоталар миянинг ҳиссиётларга жавоб берадиган қисмига тушиб қолади. Оқибатда эса ушбу омил одамда депрессия аломатларига сабаб бўлади.

Шунингдек, фаст-фуд истеъмоли инсонни семириб кетишини таъминлайди. Мунтазам фаст-фуд истеъмол қилиш, ёғли овқатлар меъёрини билмаслик, ширинликларни пала-партиш ейишлик ошқозон-ичак тизими фаолияти бузилишига олиб келади. 

Фаст-фуд таркибида трансёғлар, яъни ишлов берилган тўйинмаган ёғ кислотаси бор. Бу организмда зарарли холестерин миқдорини оширади. Трансёғ юрак саломатлиги учун икки баравар катта муаммо эканлиги маълум: трансёғларни истеъмол қилиш зарарли холестерин - ЛДЛ (паст зичликдаги липопротеин) миқдорини оширади. 

Бу эса ўз ўрнида ифаркт ва инсульт хавфини оширади. Қон томирлари деворида қон айланишига халақит беради, қон оқимини тўсиб қўйиши мумкин. Саратон касаллигини ҳам келтириб чиқариши мумкин. Газли ичимликлар эса ошқозон-ичак тизими фаолиятини ишдан чиқаради.  

Гулчеҳра Ҳасанова дзюдочиларимиз билан мулоқот чоғида шулар ҳақида батафсил маълумот берди. Ёш спортчиларимиз мавзу юзасидан ўзларини қизиқтирган саволларга жавоб олишди.