Фахрий полвонлар Водилда беллашишди

Ўзбекистон Республикаси Туризм ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги мазкур чемпионатда 100 нафардан ортиқ фахрий полвонлар белгиланган ёш тоифасига кўра куч синашишди.

Айтиш жоиз, бир кун олдин, яъни 1 июнь куни худди шу кураш майдонида белбоғли кураш ва кураш бўйича республика очиқ турнири ўтказилган эди.

Фахрийлар ўртасидаги чемпионатда белбоғли кураш мухлислари қизиқарли, ўзига хос шиддатли ва муросасиз тарзда ўтган беллашувларда умрини белбоғли курашга бағишлаган, ўз даврида ҳайқириб кураш тушган ва кураш давраларининг зўри бўлган, ҳамиша бош совринга даъвогар бўлиб, Осиё ва жаҳонда номдор бўлган полвонлар олишувини кўриб, кузатиб, очиғи завқланишди.

Айниқса, ёши улуғ полвонларнинг белбоғли курашда бўлган энг чиройли усулларни қўллаб, кураш тушишлари кўпчиликни ҳайратини оширгани рост. 

Демак, 50 ёки 70 ёшида яна қайта шоҳсупага кўтарилган номдор полвонлар билан танишамиз.

46-55 ёшлилар

75 кг.

1. Собиржон Мирзадавлатов (Наманган)
2. Биродар Маҳмудов (Фарғона)
3. Ҳусниддин Бердибеков (Сирдарё)
4. Комилжон Тўхтасинов (Фарғона)

95 кг.

1. Шуҳратбек Исосқов (Андижон)
2. Улуғбек Маматов (Фарғона)
3. Эркинжон Эгамбердиев (Фарғона)

3.Зафаржон Аҳмедов (Фарғона)

+ 95 кг.

1. Нуриддин   Ғозиев (Наманган)
2. Қахрамон Турсунбоев (Андижон)
3. Қодиржон Тўйчиев (Наманган)

3.Эргаш Маъмуров (Жиззах)

56 – 65 ёш ва ундан катталар

75 кг.

1. Абдуллажон Мамаюсупов (Фарғона)
2. Тиллахўжа Абдуллаев (Андижон)
3. Аҳмаджон Бахромов (Наманган)

3.Жамолиддин Расулов (Навоий)

95 кг. 

1. Равшанбек Исоқов (Андижон)
2. Неъматилло Тўйчиев (Наманган)
3. Мирзааҳмад Мамадалиев (Тошкент ш.)

3.Холмурод Равшанов   (Навоий)

+95 кг.

1. Бахтиёр Юсуфбеков (Наманган)
2. Султонбой Мирзаев (Андижон)
3. Хурсандбой Тешабоев (Андижон)

3.Аъзамжон Шокиржонов (Тошкент ш.)

Ғолиб ва совриндорлар диплом, медаль ва қимматбаҳо эсдалик совғалари билан тақдирланишди.

Илҳом РАҲМОНОВ Водил қишлоғидан тайёрлади