ФИДЕнинг янги рейтинги. Октябрда Қосимжонов 5 поғона пастлади

Октябрь ойи учун чиқарилган рейтингда биринчи рақамли шахматчимиз Рустам Қосимжонов 49-поғонада эътироф этилган. Ўн еттинчи жаҳон чемпиони сентябрь ойи рейтингида 44-ўринни банд этганди.

Дунё шахматчилари рейтингини ҳамон амалдаги жаҳон чемпиони, норвегиялик Магнус Карлсен бошқариб бормоқда. Кучли учликдан россиялик Владимир Крамник ва америкалик Фабиано Каруаналар жой олишган.  

Кучли ўнталик: Магнус Карлсен (Норвегия) 2853, Владимир Крамник (Россия) 2817, Фабиано Каруана (АҚШ) 2813, Максим Вашье-Лаграв (Франция) 2811, Левон Аронян (Арманистон) 2795, Уэсли Со 2794, Хикару Накамура (иккиси ҳам АҚШ) 2787, Вишванатан Ананд (Ҳиндистон) 2776, Сергей Карякин (Россия) 2772, Дин Лижэнь (Хитой) 2764.

Мамлакатимиз шахматчиларининг кучли ўнталигида Рустам Қосимжоновдан сўнг гроссмейстерлар – Антон Филиппов 2592 (+10), Жаҳонгир Воҳидов 2576 (-7), Сергей Загребельний (2485), Михаил Салтаев (2477), Сайдали Йўлдошев (2469), Марат Жумаев 2457 (+7), халқаро мастер Темур Игонин 2457 (-9),  гроссмейстер Алексей Барсов (2441) ва истеъдодли шахматчимиз Нодирбек Ёқуббоевлар (2435) жойлашган.

Аёл шахматчилар рейтингида эса хитойлик Хоу Ифань карвонбошилик қиляпти. Унинг ҳамюрти Цзюй Вэньцзюнь иккинчи ўринни банд этган. Украиналик Анни Музичук эса учинчи ўринни эгаллаб турибди. Ҳамюртимиз Нафиса Мўминова ўтган ой рейтингига нисбатан 24 поғонага кўтарилишга муваффақ бўлди.