12 мар 13:34
Янгиликлар
Футбол
ФИФА президенти ЖЧ-2026 фаворитини айтди
ФИФА президенти Жанни Инфантино 2026 йилги Жаҳон чемпионатининг асосий фаворити ҳақида фикр билдирди.
"Испания — бошқа жамоалар қаторида асосий фаворитлардан бири. Биз бу терма жамоа қанчалик кучли эканини яхши биламиз.
Терма жамоалар рейтингида етакчилик қилаётган мамлакат ҳар доим Жаҳон чемпионати фаворити сифатида қаралиши керак", – дея Инфантинонинг сўзларини келтирди "AS" нашри.
Қуръа натижасига кўра, Испания терма жамоаси "H" гуруҳига тушди ва у ерда Кабо-Верде, Уругвай ҳамда Саудия Арабистони жамоаларига қарши ўйнайди.
2026 йилги Жаҳон чемпионати ёз фаслида — 11 июндан 19 июлгача, бир вақтнинг ўзида уч давлатда – АҚШ, Канада ва Мексикада бўлиб ўтади.
Ҳавола :
Манба : AS
Фикрлар