Физиев Тони Фергюсон ва Рафаэль Дос Аньос диалогига қўшилди

Қирғизистонлик яккакураш устаси Рафаэль Дос Аньосни ўз чорловига жавоб бермаётгани ва аксинча Тони Фергюсон билан реванш жанги ўтказишга интилаётганини қоралади.

"Тони Фергюсон, 19 февраль кунига режанг қандай? Мен ўз томонимдан UFC`га яшил чироқ ишорасини бердим, яъни шу куни жанг ўтказишга тайёрлигимни айтдим", - дея Твиттер саҳифасида Тонига мурожаат йўллаган Дос Аньос.

"Эй, ошна! Ижозат бер, мен ўз котибим билан гаплашиб олай. Сен эса алоқада қол", - дея бу мурожаатга жавоб қайтарган Фергюсон.

Бу орада қирғизистонлик "Атаман" бразилиялик таклифлари ҳамон кучда эканини эслатиб қўйди. 

"Мен сен айтган куни жанг қилишга тайёрман. Буни UFC`дагиларга ҳам айтдим", - дея Дос Аньосга юзланган Физиев.

"Рафа, Рафа, Рафа. Кеча – бу тарих. Эртага – мавҳумлик. Бугунги кун эса – бу совға. Кел, UFC`да ким кучли эканига ойдинлик киритиб оламиз, Рафа!", - дея қўшимча қилган "Атаман".