09 окт 11:47
Янгиликлар

Футбол

ФОТО. Ўзбекистон Эронга қарши қандай либосда ўйнаши маълум

Ўзбекистон – Эрон ўйини олдидан жамоалар расмийлари иштирокида учрашув бўлиб ўтди.

Унда ОФК вакиллари ва маҳаллий ташкилий қўмита томонидан иштирокчиларга ўйинга оид бир қатор масалалар, хусусан, маркетинг, тиббиёт ва хавфсизлик йўналишлари юзасидан тушунтириш ва эслатмалар бериб ўтилди.

Ўзбекистонлик футболчилар мазкур баҳсда тўлиқ оқ либосда, дарвозабон эса яшил либосда ҳаракат қилиши маълум бўлди.

Эслатиб ўтамиз, Ўзбекистон – Эрон баҳси 10 октябрь куни "Бунёдкор" стадионида бўлиб ўтади. Учрашув 19:00 га белгиланган.