Фрэнсис Нганну Bellator билан музокараларга киришди

Bellator президенти Скотт Кокернинг сўзларига кўра, Showtime раҳбари Стивен Эспиноза иштирок этган камерунлик билан учрашув шу ҳафта бўлиб ўтди ва иккала компанияга эгалик қилувчи Viacom медиа-конгломерати Нганнуга муносиб таклиф беришга тайёр.

«Фрэнсис Нганну билан шартнома тузиш мавзусида шу ҳафта учрашув ўтказдик, у Стивен Эспиноза билан Showtime'да бокс учрашуви ўтказиш ҳақида гаплашди. Компаниямиз унга хоҳлаган - ММА ва бокс бўйича қўшма шартнома таклиф қилиши мумкин. Ўйлайманки, биз бир-биримизга муносибмиз. Музокаралар давом этмоқда, воқеалар ривожини кутамиз», - деди Скотт Дублиндаги матбуот анжуманида.