13 сен 14:17
Янгиликлар
Фрэнсис Нганну Дана Уайтга мағлубиятни тан олишни таклиф қилди
Уайт камерунлик оғир вазнли жангчини "ёмон инсон" деб атаган ва "Йиртқич"нинг ташкилотга қайтиш имкониятини бутунлай инкор этганди.
"Бу гапларни мен уч йилдан ортиқ вақт давомида қутулишга уринган, адвокатлар хизмати учун катта маблағ сарфлаган ва кетиш режасини ишлаб чиққан одам айтмоқда. У эса мен эркинликка эришмаслигим учун қўлидан келган барча ишни қилди. Энди сен бу мағлубиятни тан олишга мажбурсан. Буни энди ўзгартириб бўлмайди", — деб ёзди камерунлик жангчи ижтимоий тармоқларида UFC раҳбарига мурожаат қилиб.
2023 йилда Фрэнсис Нганну дунёнинг энг кучли лигасини оғир вазн тоифаси чемпиони мақомида тарк этган эди. Бу унинг шартнома муддати тугагани ва ташкилот билан янги келишувга эриша олмагани сабабли юз берганди.
Нганну ўзининг сўнгги жангини жорий йилнинг май ойида Лос-Анжелесда бўлиб ўтган MVP MMA турнирида ўтказган ва биринчи раунддаёқ бразилиялик Филипе Линсни нокаутга учратган эди.
Фикрлар