Дана Уайт: "Нганну қора рўйхатимда"

"Нганну менинг Оскар Де Ла Хойя номидаги қора рўйхатимда. Фрэнсис Нганнунинг у ишлаган бошқа компаниялар билан бўлган тарихига қаранг. У ёмон одам. Ҳақиқатан ҳам ёмон одам. Мен эса ҳаётимнинг шундай босқичидаман-ки, шунчаки ёмон одамлар билан иш қилишни истамайман. Нима демоқчи эканлигимни тушуняпсизми? Шунчаки истамайман", — деди Уайт "Nightcap"га берган интервьюсида, Жонс ва Ннганну ўртасидаги потенциал жанг ҳақидаги саволга жавоб берар экан.

Маълумот учун, Фрэнсис Нганну 2022 йил январь ойида Сирил Ганни мағлубиятга учратганидан сўнг, ташкилотнинг амалдаги чемпиони мақомида UFC`ни тарк этган эди. У ташкилотнинг ҳамкорликни узайтириш бўйича бир нечта таклифларини рад этиб, ўз қарорини шартноманинг бир томонлама шартлари билан изоҳлаган.

Ўшандан бери "Йиртқич" (The Predator) иккита йирик бокс жангини ўтказди: Тайсон Фьюрига қарши очколар ҳисобига ва Энтони Жошуага қарши нокаут билан мағлуб бўлди. Шунингдек, у ММА қоидалари бўйича иккита жанг ўтказиб, PFL ва МVP лигаларида нокаут эвазига ғалаба қозонди.

Шу билан бирга, камерунлик жангчининг номи тилга олинган ҳар сафар UFC раҳбари уни танқид қилишдан ўзини тия олмайди. Хусусан, Уайт Нганну UFC офисига келиб, ташкилот ходимларини қўрқитганини, бир сафар эса ҳатто лига президенти билан жисмоний тўқнашувгача борганини даъво қилган.