24 июл 14:01
Янгиликлар
Бокс/ММА
Фрэнсис Нганну кейинги рақибини эълон қилиб юборди
Оғир вазн тоифасида UFC собиқ чемпиони, камерунлик аралаш якка кураш устаси Фрэнсис Нганну кейинги жанги тафсилотларини очиқлади.
У жорий йилнинг октябрь ойида бразилиялик Ренан Феррейра билан жанг қилади.
Ҳозирча музокаралар якунланмаган. Бироқ Нганну таниқли UFC шарҳловчиси Жо Роганга ўз жангини 19 октябрь куни PFL'нинг Саудия Арабистонида ташкил этадиган турнирида ўтказиш устида иш олиб бораётганини айтди.
Эслатиб ўтамиз, Нганну март ойида Ар-Риёдда бокс қоидаларига кўра бўлиб ўтган жангда британиялик машҳур Энтони Жошуага нокаут эвазига мағлуб бўлганди.
Ҳавола :
Манба : championat.com
Фикрлар