Фрэнсис Нганну MVP турнирида иштирок этиши мумкин

У 16 май куни Лос-Анжелесдаги асосий жанги Ронда Роузи - Жина Карано бўлган Most Valuable Promotions турнирида октагонга чиқиши мумкин.

Вазиятга яқин бўлган хабардор манбаларнинг айтишича, камерунликнинг Жейк Пол промоушени билан музокаралари якуний босқичда, бироқ унинг рақиби номи ҳозирча номаълумлигича қолмоқда. Тадбирнинг иккинчи ташкилотчиси Netflix стриминг платформаси бўлиб, у ўз тарихидаги биринчи ММА турнирини эксклюзив трансляция қилади.

2023 йил май ойида PFL лигаси билан шартнома имзолаган Фрэнсис Нганну ташкилот байроғи остида фақат битта жанг ўтказди. 2024 йил октябрь ойида бразилиялик Хенан Феррейрани биринчи раунддаёқ техник нокаут билан таслим этди. Шу билан бирга, собиқ UFC чемпиони профессионал бокс бўйича иккита жанг ўтказиб, Тайсон Фьюрига очколар бўйича, Энтони Жошуага эса нокаут билан ютқазди.

Лига "Йиртқич" ўтган йилнинг декабрь ойида оғир вазн тоифасида PFLнинг биринчи мунтазам чемпионига айланган россиялик Вадим Немковнинг навбатдаги рақиби бўлишини кутган эди, бироқ ташкилот камерунлик билан муддати тугаган шартномани узайтириш бўйича келиша олмади.