Гаэль Монфис 24-ракеткани мағлуб этди

ATP рейтигида 140-поғонани банд этган Гаэль Монфис бош совринни кўзлаяпти. Франциялик теннисчи чорак финалда дунёнинг 24-ракеткаси бўлиб турган ватандоши Адриан Маннаринони мағлуб этишни уддалади - 7/5, 7/6(3).

Фаранг теннисчиларининг ўзаро учрашувларидаги ҳисоб Монфис фойдасига яна йириклашди - 5:2. Бир юз етти дақиқа давом этган баҳсда Монфис 5, Маннарино 2 та эйс зарбани амалга оширган. Гаэль 2022 йилнинг январидан буён илк бор ярим финалда ўйнайдиган бўлди. Унинг финал чиптаси учун кечадиган учрашувдаги рақиби сербиялик Ласло Джере бўлади.