07 мар 12:19
Янгиликлар

Теннис

Гаэль Монфис Индиан-Уэллсда муваффақиятли старт олди

АҚШнинг Индиан-Уэллс шаҳрида теннис бўйича мукофот жамғармаси 13 миллион долларни ташкил этувчи турнир давом этмоқда.

Франциялик тажрибали теннисчи Гаэль Монфис илк даврада германиялик Ян-Леннард Штруффни икки сетда ҳам бир хил ҳисобда мағлуб этди - 6:4, 6:4. Саксон беш дақиқалик учрашувда Монфис 7, Штруфф 4 та эйс зарбасини амалга оширган.

Энди 37 ёшли Монфис иккинчи даврада америкалик Себастьян Кордага қарши кортга чиқади. 16 мартга қадар давом этадиган мусобақанинг амалдаги чемпиони испаниялик Карлос Алькарас ҳисобланади. У ўтган йилги финалда россиялик Даниил Медведевдан устун келганди.