Расман: Игор Тудор "Тоттенхэм" бош мураббийи этиб тайинланди

Лондон клуби расман маълум қилишича, хорватиялик мутахассиснинг асосий вазифаси – жамоани Премьер-лигада сақлаб қолиш бўлади. Сабаби Томас Франк ишдан олинган пайтда "Тоттенхэм" турнир жадвалида 16-ўринда бораётган ва хавфли ҳудуддан атиги беш очко юқорида эди.

"Ньюкасл"га қарши уйдаги мағлубиятдан сўнг Томас Франк истеъфога чиқарилди. "Тоттенхэм" раҳбарияти эса ёзда унга узоқ муддатли ворис тайинлашни режалаштирмоқда.

47 ёшли мураббий октябрь ойидан буён ишсиз эди – у ўша пайтда "Ювентус"даги лавозимидан бўшатилган. Шунингдек, у илгари "Лацио", "Марсель", "Галатасарай" ва "Удинезе" жамоаларини ҳам бошқарган. Тудор қисқа муддат ичида инқирозга учраган жамоаларни барқарорлаштира оладиган мутахассис сифатида танилган.