Genesis Traiding Cup. Сергей Фомин драматик учрашув ўтказди

Мукофот жамғармаси 54 000 еврони ташкил этувчи мусобақанинг саралаш баҳсларида ҳамюртимиз Сергей Фоминнинг ҳам иштирок этиши ҳақида хабар берган эдик. Мамлакатимизнинг иккинчи ракеткаси Genesis Traiding Cup турнирининг саралаш босқич 1/2 финалида ҳиндистонлик Пражвал Дев 6/4, 6/4 ҳисобида мағлуб этганди.

Афсуски, саралашда еттинчи рақам остида ҳаракат қилган теннисчимиз асосий тўр йўлланмаси учун кечган баҳсда Виктор Марковга уч сет натижасига кўра имкониятни бой бериб қўйди. Болгариялик 20 ёшли теннисчи кеча саралашнинг 1/2 финалида учинчи рақам остида таснифланган ҳамюрти Петр Нестеровни 6/1, 6/3 ҳисобида енгиб, шов-шув сабабчисига айланганди.

Икки соату 30 дақиқа давом этган бугунги учрашувда у сенсацион юришини давом эттирди - 6/4, 2/6, 7/5. Фомин учинчи сетда уч бор матчболдан чиқиб кетишга муваффақ бўлди, аммо ўзининг геймида ютқазиб, мусобақанинг асосий тўғрига йўл ола билмади. Баҳс давомида Марков 11, Фомин эса 7 та эйс зарбасини амалга оширган. Қўшхатолар иккала теннисчида ҳам етарли бўлди - 10 га 8, Виктор "фойдасига" 

Таққослаш учун, Сергей Фомин ATP рейтингида 478, Марков эса 1689-ўринни банд этган. Саралаш баҳсларига имтиёзли йўлланма асосида қўйилган Виктор Марков энди асосий турнирда бош соврин учун курашни давом эттиради.