Германиялик таниқли мутахассис иштирокида семинар + ФОТОРЕПОРТАЖ

Ўзбекистон дзюдо федерацияси ташаббуси ҳамда Миллий олимпия қўмитаси қошидаги тиббиёт маркази билан ҳамкорликда ташкил этилган ушбу амалий семинарда турли спорт федерацияларида фаолият юритаётган терма жамоа шифокорлари, диетологлари ва массажчилари иштирок этишди. 

"Физиотерапевтларнинг малакасини ошириш" лойиҳаси доирасида ўтказилган ушбу семинарга германиялик Кут Новак бошчилик қилди. Спорт физиотерапияси йўналишидаги амалий семинарда жароҳат олган спортчиларга кўрсатиладиган биринчи ёрдам, реабилитацион даволаш, регенерация (массаж, иссиқ ва совуқ терапия), қўл ва оёқ бармоқлари, тизза, тўпиқ, тирсак қисмларини даволаш усуллари кўрсатиб берилди.