Гэтжи деярли уч ойдан сўнг Оқ уйдаги турнирда Топурияни қандай мағлуб этганини тушунтирди

Эслатиб ўтамиз, Гэтжи ва Топурия ўртасидаги жанг июнь ойида UFC Freedom 250 турнирида бўлиб ўтган ва америкаликнинг техник нокаут (жангни давом эттиришдан бош тортиш) эвазига ғалабаси билан якунланган эди.

"У оёқлари ритмини ҳеч қачон ўзгартирмайди. У ё олдинга ёки орқага ҳаракатланади, ён томонга ҳаракатланишини эса жуда кам кўрасиз. Якунда ҳамма гап унинг оёқлари ҳаракатини тўғри ҳисоблаб топишда эди. Ўша жанг учун тузилган режа унинг оёқ ҳаракатини издан чиқариш ва ритмини бузишдан иборат бўлганди ва биз буни уддаладик", — дея Гэтжининг сўзларини келтирмоқда Kırmızı Köşe аккаунти Х ижтимоий тармоғида.

Оғир жароҳатларга қарамай, статистикага кўра, Топурия Гэтжига қараганда кўпроқ аниқ зарбалар йўллаган — 97 га 91. Бироқ америкалик спортчининг аниқлиги ва тайминги унга жиддий жароҳатлардан қочиш ҳамда жангни яхши жисмоний ҳолатда якунлаш имконини берганди. Гэтжи енгил вазн тоифасида UFC чемпионига айланди. Топурия эса мағлубиятдан сўнг чемпионлик камарини бой берди ва ҳозирда жароҳатларидан тикланмоқда.