Ғолиб спортчилар муносиб кутиб олинди + ФОТО

Мазкур Осиё очиқ кубогида муваффақиятли иштирок этган ёш дзюдочиларимиз якунда 39 та медални қўлга киритишди. 

Қувонарлиси, терма жамоа таркибида Қарши олимпия захиралари коллежида таҳсил олаётган ўқувчилар ҳам ушбу мусобақада иштирок этиб, кучлилар қаторидан жой олишга эришди.  

+70 кг. вазн тоифасида Моҳинур Пармонова ҳамда + 48 кг.да Муҳаё Аҳматовалар барча рақибларини енгиб, олтин медал соҳибаларига айланишган бўлса, +90 кг.да Шердор Раҳматов иккинчи ўрин билан кумуш медални ўзиники қилди. 

Уч нафар коллеж ўқувчиларининг эришилган юқори натижалари боис, ғолиб спортчилар тантанали кутиб олиниб, Қашқадарё вилояти Туризм ва спорт бош бошқармаси, Қарши олимпия захиралари коллежи раҳбарияти, тренерлар ва ўқувчилар, спортчиларнинг ота-оналари, яқинлар томонидан алоҳида эътироф этилиб, уларга гуллар ва эсдалик совғалари улашилди.

Илҳом РАҲМОНОВ тайёрлади