Гран-Прининг илк куни дзюдочиларимиз учун якунланди

Афсуски, мусобақанинг илк куни ҳамюртларимиз учун медалсиз якунланди. 

-60 кг вазн тоифасида юртимиз шарафини ҳимоя қилаётган Кемран Нуриллаев учинчи босқичда бельгиялик Жорре Верстраетенга имкониятни бой берди. У мусобақа давомида Исроил ва Бразилия вакилларини мағлуб этганди. 

-66 кг вазнли Сардор Нуриллаев эса учинчи босқичда мезбон спортчи Барух Шмаиловга ютқазди. Бунгача у Словакия ва Доминикан Республикаси вакилларидан устун келганди. Ушбу вазндаги бошқа бир ҳамюртимиз Шаҳрам Аҳадов ҳам мезбон Тал Фликерга имкониятни бой берди. У иккинчи босқичда болгариялик рақибни мағлуб этганди. 

Аёллар ўртасида -52 кг вазн тоифасида баҳсларда қатнашган Диёра Келдиёрова илк жангида австралиялик рақибасини мағлубиятга учратган бўлсада, иккинчи даврада бельгиялик Амбер Риулга имкониятни бой берди.