Грунт қироли Рафаэль Надаль илк бор "Ролан Гаррос" биринчи даврасида ютқазди

Айни пайтда ATP рейтингида 275-поғонада бораётган Рафаэль Надаль илк даврадаёқ турнирдаги иштирокини тўхтатди. Испаниялик афсона дунёнинг тўртинчи ракеткаси, германиялик Александр Зверевга имкониятни бой бериб қўйди - 3/6, 6/7(5), 3/6. Зверев теннисчиларнинг ўзаро учрашувларида ҳамон ютқазмоқда - 4:7.

Эътиборлиси, "Ролан Гаррос" турнирининг 14 карра чемпиони ҳисобланган Надаль фаолиятида илк бор биринчи даврада мағлубият аламини тотиб кўрди. Бу грунт қироли учун фаолиятидаги учинчи ҳолат. Рафа 2013 йилги Уимблдон ҳамда 2016 йилги Australian Open турнирларида ҳам биринчи даврада ютқазиб қўйган эди. 

Уч соату 5 дақиқа давом этган баҳсда Надаль 2, Зверев 8 та эйс зарбасини амалга оширди. Иккала теннисчи ҳам 3 тадан қўшхатога йўл қўйди. Брейклар табиийки, немис теннисчисида кўпроқ бўлди - 6 га 2!