Ҳарбий боксчилар ўртасидаги ЖЧ: ўзбек боксчилари бугун қандай натижалар кўрсатишди?

Бугун мусобақа доирасида иккинчи кун жанглари бўлиб ўтди. Унда 7 нафар ўзбек боксчиси рингга кўтарилди. Уларнинг 4 нафари ғалабага эришган бўлса, 3 нафар ҳамюртимиз имкониятни бой бериб қўйди. 

-57 кг вазнли Ситора Турдибекова россиялик рақибасига қарши жанг қилди ва имкониятни бой бериб қўйди

-60 кг вазнли ҳамюртимиз Райҳона Қодирова мусобақадаги иккинчи жангини зимбабвелик боксчига қарши ўтказди ва ғалабага эришди.

-60 кг вазн тоифасида эркаклар ўртасида Шунқор Абдурасулов мусобақадаги илк жангини кениялик рақибига қарши ўтказди ва ғалаба қозонди.

-64 кг вазнли боксчимиз Мужибилло Турсунов ЖЧдаги иккинчи жангини ирландиялик рақибга қарши олиб борди ва ғалаба қозонди.

-49 кг вазнли Абдумажид Маннопов венесуэлалик рақибга қарши жанг қилиши лозим эди. Аммо рақиб боксчи рингга чиқмади ва ҳамюртимиз автоматик равишда кейинги босқичга йўл олди.

-75 кг боксчимиз Нурислом Исмоилов илк босқичда франциялик боксчига қарши рингга кўтарилди ва имкониятни бой бериб қўйди. 

-52 кг вазн тоифасида Фозилжон Абдумуродов биринчи босқичда мезбон спортчига қарши баҳс олиб борди ва кескин кечган жангда ҳакамлар россиялик боксчининг ғалабасини қайд этишди.