Шерзод Темировнинг олийжаноблиги – у маҳаллий футболчилар фойдасига ўз маошидан воз кечди

Футболчилар тўрт ойдан бери маош олишмаяпти. Аниқроғи, маҳаллий футболчилар ойлик маошсиз қолган, Ироқ чемпионатининг энг яхши тўпурари Шерзод Темиров эса яқин вақтларгача ўз пулларини ҳеч қандай кечикишларсиз олиб келган.

Хабарларга кўра, апрель ойида Шерзод клуб раҳбариятига дастлаб маҳаллий ўйинчилар билан ҳисоб-китоб қилишни таклиф этиб, ўз пулларини олишдан бош тортган. Ўзбекистонлик ҳужумчи буни легионерлар ФИФА орқали халқаро судларда ўзларини ҳимоя қила олиши ва тегишли ҳақларини ундириши мумкинлиги билан изоҳлаган.

Маҳаллий ўйинчиларнинг эса бу борада позицияси кучсиз ва улар учун ўз ҳақ-ҳуқуқларини тўлиқ талаб қилиш қийинроқ кечади. Шу боис, Темиров биринчи навбатда жамоа манфаатини ўйлаб, ўз позициясидан мана шундай тарзда фойдаланган.